Para

Limang dipang taong nagtutulakan

Sa limang jeep kasabay ng ulan

Luwag pa sa jeep nang ako’y sumakay

Pero parang sardinas sa simula ng lakbay

Sabi ng kunduktor kasya pa kasya pa

E kahit kalansay indi na kakasya

Pinagpilitan pang isakay si aleng mataba

Akala yata ang jeep ay saksakan ng haba

Pag andar ng jeep ay biglang pepreno

Para magkasya ang mga sakay nito

Pasalamat na lang kay bro nakaupo ako,

Sana may bumaba na kahit jan sa may kanto

“Kuya paabot, paabot ng bayad ko.”

“Eto na ang sukli makikisuyo na o.”

“Paabot ulit ng bayad“ Dyos ko aba dyos ko!

“Ay jesus maria josep ako lang ba may kamay dito?!”

Limang pirasong tao ang bumaba sa may kanto

Kamalas malasan galing sila sa tapat ko.

At wala naman yatang balak, aking mga katabi

Na sa katapat ay lumipat, lahat sila sitting pretty

Kalagitnaan ng biyahe, “Makalipat sa tapat.”

Masama pa ang tingin ng matandang may patpat

Bat di daw paupuin mga matandang gaya niya,

Bakit kaya di mo naisip yan kanina.

“Paabot po ng bayad” sabi ng bading

“Ser yung kamay ko.” Ano to chansing?

“Ay sori kuya, nahawakan ko pala.”

Sabay kindat ng kanyang kirat na mata.

“Kuya paabot ng bayad kay manong,

At nalalaglag ang nabili kong talong”

Sabi ng maggugulay na sa dulo’y nakaupo.

“Eto na ale, ang sukli paabot po.”

Pag baling sa unahan, nakakatakot isipin

Si manong drayber nagtotothpick ng ngipin.

Namboboso sa katabi, ano ba yan nagseselpon

Ang aming sinasakyan daig pa ang nasa alon.

“Kuya sukli o paabot na sa katabi,

Kawawa naman yung nasa dulong ali”

Aba si tita tulog na tulog

Nakasandal sa tindero ng masarap na binatog.

“Kuya bayad p..”

“ILAN BANG NAKASAKAY DITO!!??

Abat kaliwat kanan abutan ng bayad nyo.

Sa kunduktor ba o sa drayber linawin nga maigi

Parang ako lang ata ang umaabot din!!”

“Manong sukli ko paabot na lang kay kuya.”

“Hoy sa lahat ng nagbayad ikaw ang hindi pa!”

Ang kapal ng muka mo sukli agad hinihingi

E upo mo na man nakataas pa ang binti.

Hindi na yata luluwag ang aking sinasakyan

Sa susunod kaya piliin ko na ang van

Ang init ang lagkit ang dami pang katabi,

At least pag sa van ako ang sitting pretty

Sawakas malapit na malapit na akong bumaba

“Kuya bayad mo?” sabi naman nug mama

Sapukin kaya kita nagbayad na ako.

Wala pa ngang sukli aba T*** **a mo

“Ay bumaba ka na toy pasira ka ng negosyo!

Wala ka pang bayad ako pa niloko mo.”

Yanunbg galling nga naman sa dami kong iniabot

Ako pa nga ang walang bayad, ako pa ang lagot.

Ang mahalaga, sa bahay ako ay nakarating na

Sa drayber na lahat ng binayad kong singkwenta

Pagbukas ko ng tv sa balita nakita.

Libre pala ang sakay sa mga jeep na pasada.